Падпальшчыкі вайны

Якуб Колас

1. Трумэну
 
Вось Трумэн, прэзідэнт, прыслужнік Уол-стрыта:
У бойку сунуўся, і рыла ўжо набіта.

2. Ачасану
 
А вось і Ачасан... ачэсан, ды не дужа:
Дзе б ён ні сеў, заўсёды сядзе ў лужу.

3. Далесу
 
На Далеса зірніце – біты ліс,
І ўсюды свой усуне чмыс.

4. Чэрчылю
 
Ну, Чэрчыля, старога лорда,
Адразу выдае разбойніцкая морда.

5. Тругве Лі
 
Шаноўны Тругве Лі,
  Салдат на варце міра!
Ці многа ж хоць далі,
Што ўпрогся ў воз банкіра?

6. Макартуру
 
Стратэг мышыны, кат заядлы,–
Такі Макартур, кусок падлы.



 
[1950]