Ты сказала, што Саадзі...

Сяргей Ясенін

Ты сказала, што Саадзі
Толькі ў грудзі цалаваў.
Навучуся, вось паглядзіш, —
Я раней таго не знаў!
 
Ты прапела:«За Еўфратам
Ружы лепей за дзяўчат».
О калі б я быў багатым,
Я б спяваў на іншы лад.
 
Ружы зрэзаў бы, як вецце,
Бо адна уцеха мне —
Толькі б лепшае на свеце
Не было б за Шаганэ.
 
І не муч ты запаветам,
Што мне нейкі запавет.
Нарадзіўся я паэтам
І цалую, як паэт.