Чырвоная Армія
У бітвах, у громах навалы і бур
Узводзілі Ленін і Сталін той мур,
Што стаўся мацней і цвярдзей за алмаз,
Што Арміяй горда завецца у нас.
Чырвоная Армія – гэта скала,
Адвага герояў і зоркасць арла,
Ахова свабоды, яе меч і шчыт;
Чырвоная Армія – гэта граніт,
Жалезная воля і сіла зямлі,
Дзе новае сонца і зоры ўзышлі;
Чырвоная Армія – грозны народ;
Чырвоная Армія – мужнасці ўзлёт,
Што ўзносіць у высі, якіх не знаў свет;
Чырвоная Армія – лепшы наш цвет,
Вялікага сэрца гарачая кроў
І наша бязмежная гордасць, любоў;
Чырвоная Армія – наша краса,
Для ворагаў Армія наша – граза!
Жывеце ж, красуйцеся, сокалы, львы!
Вышэй узвівайся, наш сцяг баявы!
[1938]