Міхалу Лынькову

Якуб Колас

Мой браце Міхале, Лынькоў дарагі!
Чаго я табе пажадаю?
Спаўна пражыць век ды гнаць на другі –
На ўцеху народу і краю.
 
І дай табе Божа сынкоў змайстраваць,
Ну, хоць бы адненькую пару –
Няма чаго Зосі гультаяваць –
Задай харашэнька ёй жару.
Жыві ж, мой Міхале, жыві і працуй –
        Ад чыстага сэрца віншую
Ды зрэдка і сілы свае падмацуй,
Кульні сабе чарку-другую.



 
1/ХІІ 1949