Расшумеўся лес зялёны...
Расшумеўся лес зялёны
Ад шчаслівых новых дзён.
Слава Арміі Чырвонай!
Варашылаву паклон!
Скінуў з плеч няволю Нёман,
Усміхаецца Вілля,
І з-пад Буга плыве гоман,
Весяліцца ўся зямля.
Уцякаюць панкі-ляхі,
Бы з пажару пацукі,
Пана ў процьму гоняць страхі,
Смела ходзяць беднякі.
Ўжо ад мора і да мора
Пан не строіць сабе меж,
Бо нядаўна, толькі ўчора,
Які меў, згубіў рубеж.
Уцякаюць, дзе папала,
І ўцякаць няма куды,
Пазбываемся навалы,
Панскай подлай злыбяды.
Паўстае народ рабочы,
Паўстае сялянскі люд,
Развідняе сонца ночы,
Нібы казка, нібы цуд.
Песняй гулкай міліёнаў
Ў сэрцы ўдарым, нібы ў звон.
Слава Арміі Чырвонай!
Варашылаву паклон!
1939