Прысак

Заяц Караткевіча

Пахам хатніх фіранак
Рэхам знаёмых вятроў
Поўня заве апантана
Няўклюдна кліча дамоў

Абрысы смаляных дахаў
Зыркае полымя сонца
Птахаў, тутэйшых вар'ятаў
Транслюе маё аконца

ЗагартавАныя сцены
З музыкай нішчацца мэты
Старыя моцныя рукі
Не трымаюць ужо сігарэты

Лагоднае полымя дома
Раздзьмухала прысак надзеі
Хвалі мінскага мора
Не спыняюцца хваляй падзеяў

І гараць шэрыя сілуэты
Ад рук маладой сігарэты
Некалі полымя дома
Раздзьмухала прысак надзеі

2025